Metro Bilbaoko enpresa-batzordeak elkarretaratzea egin du Algortan langile batek pairatutako erasoa salatzeko

Erredakzioa 2023ko urt. 23a, 14:22
Joan den astean egindako elkarretaratzea Algortako Telletxe plazan. © ELA SINDIKATUA

Metro Bilbaoko beharginek mobilizazioa egin zuten joan den eguenean, hilaren 19an, Algortako Telletxe plazan, metro-geltokiaren aurrean, ikuskatzaile batek jasandako eraso berri bat gaitzesteko. ELA sindikatuak azaldu duenez, "ohiko" erabiltzaile bati musukoa jar zezan esan zionean eraso egin zion horrek langileari, "euritako bategaz".

Langileen enpresa-batzordeak zehaztu duenez, ez da lehenengo aldia mota horretako erasoak jazotzen direnak Bilboko metroan, batez ere maskararen derrigorrezko erabilerari lotutakoak.

Ildo horretan, beste langile batek jasandako erasoa gaitzesteko kontzentrazioa egin zuten Basarrateko metro geltokian. Horretan, azpimarratu zuten mota horretako erasoak ikusarazi behar direla, eta "erabateko inplikazioa" exijitu enpresari.

Jendartea Getxo
Erlazionatuak
Metroan musukoa jantzita ez eroateagatik segurtasun zaindariek emakume bati eraso egin diotela salatu dute
Metroan musukoa jantzita ez eroateagatik segurtasun zaindariek emakume bati eraso egin diotela salatu dute

Erredakzioa 2022 aza 04 Plentzia

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun