Itzubaltzeta/Romoko bendejaren aldeko saskiaren zozketarako zenbaki saridunaren berri eman dute

Auzoko elizako arkupeetan bendeja egiteagatik isuna jarri zioten iaz Agroasanbladako kide bati.

Itzubaltzeta/Romoko bendeja egiteagatik jarritako isunari aurre egiteko zozketa egin zuten atzo, martitzenean, Uribe Kostako Agroasanbladako kideek, eta, azaldu dutenez, zenbaki sariduna 299 izan da. Irabazleak astebeteko epea izango du tokiko baserri desberdinetako produktuez osatutako "saski oparoa" jasotzeko. Epe horretan inork erreklamatuko ez balu, ordezko zenbakia 241 dela azaldu dute.

Joan den udan, Itzubaltzeta/Romon bendeja egiteagatik kide bati eragindako "jazarpena" eta Getxoko Udalak ezarritako isunari aurre egiteko zozketa jarri zuen martxan Uribe Kostako Agroasanbladak abenduaren akabuan.

Azaldu zutenez, elikadura osasuntsua salerosketa eta harreman osasuntsuetatik hasi beharko lirateke, "eta, horretarako, gaur egun dauden makrokate-mutilnazionaletatik aparte alternatibarik bilatzeko aukerak oso apurrak dira. Ez da ezer asmatu behar, izan ere gure herrietako plazetan bendeja betidanik egin izan da, gertuko, konfiantzazko eta kalitatezko harreman eta elikagaiak eskuragarri jarriz".

Erlazionatuak

Itzubaltzeta/Romoko bendeja egiteagatik jarritako isunari aurre egiteko zozketa abiatu du Agroasanbladak

Getxo

Bendejan ortuariak saltzeagatik Agroasanbladako kideari Getxoko Udalak jarritako isunari aurre egiteko kanpaina martxan jarri dute. Eskualdeko eta ...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun