Itzubaltzeta/Romoko bendeja egiteagatik jarritako isunari aurre egiteko zozketa abiatu du Agroasanbladak

Zozketarako txartela. © AGROASANBLADA

Bendejan ortuariak saltzeagatik Agroasanbladako kideari Getxoko Udalak jarritako isunari aurre egiteko kanpaina martxan jarri dute. Eskualdeko eta inguruko 13 baserrik jarritako generoaz osatutako otzara zozkatuko dute urtarrilaren 24an; txartelak bi euroan jarri dituzte salgai, Algortako Baster tabernan. Zenbaki sariduna, aldiz, egunean bertan argitaratuko da HIRUKAko webgunean.

Joan den udan, Itzubaltzeta/Romon bendeja egiteagatik kide bati eragindako "jazarpena" eta Getxoko Udalak ezarritako isunari aurre egiteko zozketa jarri du martxan Uribe Kostako Agroasanbladak.

Azaldu dutenez, elikadura osasuntsua salerosketa eta harreman osasuntsuetatik hasi beharko lirateke, "eta, horretarako, gaur egun dauden makrokate-mutilnazionaletatik aparte alternatibarik bilatzeko aukerak oso apurrak dira. Ez da ezer asmatu behar, izan ere gure herrietako plazetan bendeja betidanik egin izan da, gertuko, konfiantzazko eta kalitatezko harreman eta elikagaiak eskuragarri jarriz".

Erlazionatuak

Bendejaren aldeko ekintza egin dute Itzubaltzeta/Romon

Getxo

Kalean ortuariak saltzea debekatu zioten irailaren 5ean udaltzainek Itzubaltzeta/Romoko nekazari bati, berriro ere. 2018an ere plazan saltzea deb...
Kalean ortuariak saltzea debekatu diote udaltzainek Itzubaltzeta/Romoko nekazari bati, berriro ere

Getxo

Joan den astelehenean, irailak 5, Itzubaltzeta/Romoko elizaren aterpearen ondoan ortuariak saltzen ari zen baserritarra salatu du Getxoko Udaltzain...
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun