Hemendik aurrera, Azpiegiturak, obra gauzatzeaz arduratzen den foru-enpresak belaunaldien arteko zentroa eraikitzeko proiektua gauzatzen jarraituko du. "Zentro horrek programa berritzaile bat hartuko du, elkartasuna, elkar ulertzea, gizarte-lankidetza eta belaunaldi desberdinetako pertsonen arteko harmonia bultzatzeko", udal-iturriek azaldu dutenez. Zentroak gazteentzako 40 zuzkidura-bizitoki eta 100 plazako foru-egoitza izango ditu, eta Europaren laguntza du, Next Generation Europako Funtsetatik aurreikusitako inbertsioaren % 82,5 jasoko baitu.
Udalak jakinarazi duenez, zentro berrian 283 metro koadroko gune bat gorde du Ibar Nagusien Etxea elkartekoentzako euren jarduerak bertan egiten jarraitu ahal izan dezaten, hala ere, oraindino haien erantzunaren zain dago.
Eraikinaren hustuketa
Udal-langileak joan den urtarrilaren 31n eraikineko tresnak hustu eta kendu ondoren, Ibar Nagusien Etxea elkarteak eraikinean zeuden tresna inbentariatuak berreskuratu zituela nabarmendu du Udalak. Bestalde, eraikinean zeuden udal jabetzako tresna birziklagarriak udal biltegira eraman zirela azpimarratu dute iturriek, "etorkizuneko erabilerarako", eta erabilezinak kudeatzaile baimenduetara.
