Eusko Jaurlaritzako Segurtasun Sailak jakinarazi duenez, sexu-erasoaren ustezko egileak ihes egin zuen emakumeari eraso egin eta gero. Anbulantzia bateko osasun-langileek artatu zuten emakumea zapatu goizaldean, eta, ondoren, ospitalera eraman zuten. Bitartean, ertzainek beharrezkoa zen informazioa jaso zuten ustezko erasotzailea identifikatzeko eta gertatutakoa argitzeko.
Astelehenean, polizia-izapideak amaituta, Getxoko Guardiako Epaitegian aurkeztu zuten atxilotua, eta bertan aske utzi zuten emakumearekiko 200 metroko urruntze-neurri bat ezarri ondoren.
Erasoa gaitzesteko elkarretaratzea
Sexu-erasoa publikoki salatzeko asmoz, elkarretaratzea deitu du biharko, martxoaren 1erako, Algortako Mugimendu Feministak. Hitzordua arrastiko 19:00etan jarri dute, Telletxe plazan.
