PPren babesa jaso du Getxoko EAJ-PSE EEk Ur Patzuergoko ordezkarien proposamenean

Nahia Martinez Gondra 2023ko uztailaren 19a

Uztailaren 27ko osoko bilkuran erabakiko dute zeintzuk izango diren Getxoko Udalak Ur Patzuergoan izango dituen ordezkariak.

Azken udal-hauteskundetan Getxoko EAJ-PSE EEk azken urteotako gehiengo absolutua galdu zuen: EAJk 2 zinegotzi galdu zituen eta PSE-EEk zinegotzi kopuruari eutsi zion, nahiz eta botoak ere galdu zituen. Halaber, PPk zinegotzi bat irabazi zuen, 5etik 6ra pasatuz, eta Euskal Herria Bilduk 2 irabazi zituen, 4tik 6ra pasatuz. Hori dela eta, gobernu taldeak akordioak egin behar ditu gainontzeko alderdiakaz bere proposamenak aurrera eramateko. Horrenbestez, 2023-2027ko agintaldian Getxoko Udalak Ur Partzuergoan izango dituen ordezkariak aukeratzeko proposamenean, Udalak PSE-EE aukeratu du, PP alderdiaren akordio eta babesagaz. Hala ere, uztailaren 27ko osoko bilkuran aukeratuko dituzte behin betiko ordezkariak.

Getxoko Udalari hiru ordezkari dagozkio Ur Partzuergoaren bileran: 2015-2019 agintaldian, EAJren ordezkari 1, PPren ordezkari 1 eta Guk alderdiaren ordezkari 1 izan ziren osoko bilkuran babes gehien izan zuten hiru alderdiak. Ordea, 2019-2023 agintaldian EAJren ordezkari 1, PPren ordezkari 1 eta PSE-EEren ordezkari 1 izan ziren.

Hala, 2023-2027ko agintaldirako ordezkarien proposamenean, Udalak PSE-EE alderdia berriro ere aukeratu du, EH Bildu bere proposamenetik kanpo utziz. Halaber, erabaki hori posible izan da PP alderdiagaz egindako akordiori eta bere babesari esker. Modu horretan, uztailaren 27ko osoko bilkuran erabakiko dute zeintzuk izango diren Getxoko Udalak Ur Patzuergoan izango dituen behin betiko ordezkariak.

Politika Getxo

Erlazionatuak

Gobernatzeko akordioa sinatu dute EAJk eta PSE-EEk Getxon, baina akordioak bilatu beharko dituzte

Erabiltzailearen aurpegia Erredakzioa 2023 eka 29 Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun