Frankismoan udaltzain batek hildako Felix Arnaiz omendu dute Itzubaltzeta/Romoko jaietan

Erredakzioa 2023ko abu. 3a, 09:02
Deskargatu Info Ahotsak :

Atzoko omenaldia. © GETXOKO EH BILDU

Urtero legez, Felix Arnaiz Maeso gazte leioaztarra omendu zuten atzo, abuztuak 2, 12:30ean, Itzubaltzeta/Romon. 2011tik egiten dutenez, jai-batzordeak eta Ahaztuak 1936-1977 elkarteak Ibaiondo kalean gogoratu dute Arnaiz, dozenaka auzokidegaz batera. Bertan hil zuen tiro batez gaztea Francoren garaiko Getxoko udaltzain batek, antzinako trenbidearen barreren inguruan. Aurten, 54 urte bete dira ordutik.

1969ko abuztuaren 2an, kuadrillakoakaz zebilen Itzubaltzeta/Romoko jaietan leioaztarra, abesten eta txantxa-giroan. Leza izenordez ezaguna zen Getxoko alkateordea inguruan zen, eta txarto hartu omen zuen Arnaizen eta lagunen poztasuna. Berak udaltzainei deitu, eta giroa nahastu zen. Hainbat ordutan lekutik aldenduta ibili ostean, gazteak jaietara bueltatu ziren, agente bat, ordea, pistolagaz zain zegoen. Arnaiz polizia autora eraman zuen, eta bularrean tiro eginez, bertan hil zuen, 20 urte zituela.

Jendartea Getxo
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun