Nora Zoaz Getxo elkarteak Getxoko Udaltzaingoak edukitako jarrera deitoratu du atzo Zugazarte auzoan aske zegoen basurde bat hil ostean. Haien esanetan, animaliaren presentzia ez zen "ezustekoa" izan: "Basurde bat ikusi eta grabatu zuten Arriluzetik uztailaren 21ean -duela ia 20 egun- antzeko ibilbidea eginez. Zugazarte aldetik zetorren, atzo hil zutena bezala". Hala, elkarteak zalantzan jarri ditu Udaltzaingoak basurdearen inguruan egindako kontrol eta jarraipenak.
Nora Zoaz Getxo elkarteak hurrengo galderak planteatu ditu gertaeraren hausnarketa bat abiatzeko asmoz: "Zer erabaki hartu ziren basurdearen presentziaren aurrean? Salba zezaketen?".
Era berean, Erandioko zentroan jazotako adibidea ere aipatu du: "Bertan ale bat narkotizatu eta harrapatu zuten". Hala, orain dena baloratu beharra dagoela azpimarratu du elkarteak.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
