Telesailaren gaiaren testuinguruan, astelehenean, hilak 4, 09:00etatik aurrera, talde tekniko eta artistikoek Basagoiti Etorbidearen zati bat hartuko dute. Bertan, 200 figurantek parte hartuko duten etorkinen manifestazio bat simulatuko dute eta Muxikebarri kanpoaldean amaituko da. Horrek etenaldiak eragingo ditu zirkulazioan (gehienez 4 minutuz). Txiki Otaegi enparantzako pilotalekua ere okupatuko dute, izan ere, backstage gisa erabiliko dute aldageletarako, makillajerako, etab.
Martitzenean, hilak 5, filmaketa Muxikebarri Antzokiaren barruan izango da.
Detective Touré
Jon Arretxeren eleberrietan oinarrituta eta Esteban Crespok zuzenduta, Malcolm Treviño Sitté protagonista duen telesaila da Detective Touré. Mahamoud Touré etorkin ginearra da, eta bere maltzurkeriari eta umoreari esker bat-bateko detektibe gisa ateratzen du bizimodua. Besteak beste, Itziar Ituño, Unax Ugalde, Loreto Mauleón, Itsaso Arana, Urko Olazabal, Gorsy Edu, Emilio Buale, Goize Blanco, Lander Otaola, Ayoub El Hilali, Jon Olivares eta Ane Gabarain aktoreek parte hartzen dute.
