Mesedeetako jaietan murgilduko da aste-akabu honetan Areeta eta, hori aprobetxatuta, bertako jai-batzordeak eta Berantzagi dantza-taldeak joan den apirilean zendu zen Jose Antonio Sellan, Txato gertukoentzat, auzokideari omenaldia egingo diete.
Areetako jai-batzordeak azaldu duenez, aurten, pregoia Txatori zuzenduta egongo da, bera omentzeko asmoz, eta lore-sorta bat eskainiko diote haren familiari. Horren bitartez, pertsona horrek auzoan emandakoa aitortu gura diote antolatzaileek.
Berantzagi dantza-taldeko presidentea izan zen hainbat urtez, eta, hori dela eta, dantza-taldeko kideek ere ohorezko aurresku bat dantzatuko dute bere oroimenean.
2023 ira 18 Getxo
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
