Hurrengo urtean San Nikolas Ikastolak hartuko du 2024ko Ibilaldia antolatzeko ardura, eta, motorrak berotzen hasteko, horren kultur eskaintzaren aurkezpen-ekitaldia egin zuten joan den barikuan Algortako San Nikolas plazan.
Zuzeneko musikak, bertsolariek eta txalapartaren doinuek lagundura, hainbat herritarrek parte hartu zuten ekitaldian, tartean, ehunka umek. Festa txalaparta doinuakaz hasi zuten eta DBH 4. mailako ikasleek Txonbo egin leloa aurkezteaz arduratu ziren. Osetan, ikasturte horretako ikasleek antzezlana egin zuten eta LH 5. eta 6. mailako ikasleek Edalontzien kanta eta bertso-saioa egin zituzten, hurrenez hurren.
Umeek 2024ko Ibilaldiaren kultur urteko lehen ikuskizunak eskaini ostean, Ainhoa eta Kerman musika-bikotearen kontzertua eta Getxoko Musikalia bandak beraien emanaldiak eskaini zituzten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
