Abesbatzak lokal bat erosi berri du bertan bere kultur jarduera garatzeko. Telletxe kaleko 2 zenbakian dago lokal berria eta 156 metro koadroko azalera erabilgarria du. Horretarako, beharrezkoa da eraberritze bat egitea eremua musika-jardueretarako egokitzeko, hala nola intsonorizazioa, harmailak eta antzekoak.
Gobernu taldeak (EAJ eta PSE-EE) adierazi duenez, “Biotz Alai abesbatzak jendaurrean erakutsi du gune komunitario bat sortzeko interesa, udalerriko beste elkarte eta erakunde kultural batzuek ere beren jarduerak garatzeko aukera izan dezaten. Horrela, sinergia berriak sustatuko dira eta Getxon entseguetarako espazioen kokapena hobetuko da. Horregatik, Biotz Alai abesbatzak aipatutako helburuak lortzeko lan egiteko konpromiso sendoa duenez, diru-laguntza izendun bat ematea proposatzen dugu, obra hori finantzatzen laguntzeko”.
EH Bilduk adierazi du lokal bat erosten dutenean beste elkarte batzuei ere diru-laguntza ematea espero duela, eta Elkarrekin Podemosek uste du diru-laguntza bat ez dela Getxoko kultur taldeek dituzten benetako premien irtenbidea, eta Udalak abesbatzaren jarduera hori garatzeko ekipamendu propiorik ez duen galdetu du.
