Iaz bezala, argiztapenaren denbora murriztuko dute aurten, hau da, argiak piztuta egongo diren ordutegi osoaren % 25. Ordutegia, beraz, arazoak konpondu ostean, honako hau izango da: domekatik eguaztenera, 18:00etatik 23:00etara; eguenetik zapatura, 18:00etatik 24:00etara; eta abenduaren 24an eta 31n eta urtarrilaren 5ean 18:00etatik 02:00etara.
Joan den barikuan, abenduaren 1ean, piztu zituzten Getxon Gabonetako argiak. Arduradunek azaldu dutenez, aurten ere pizte-ordutegia % 25 murriztuta egongo da, energia aurrezte aldera, baina, ordutegia kontrolatzen duten erlojuen programazioagaz arazoak tarteko, zapatuan eta domekan argiak etengabe isiotuta egon dira udalerriko hainbat puntutan, hala nola Algortako Amezti kalean eta Itzubaltzeta/Romoko Santa Eugenia plazan. Hori dela eta, udal-arduradunek azaldu dute lanean ari direla hori konpontzeko.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun