Kontatu du Granadan ohikoena ezagunakaz garagardoak hartzera joatea dela, horiekaz tapak izeneko mokadutxoak ere ematen baitituzte. "Eskaintza gastronomiko handiko hiria da, eta jatetxe eta tabernetan inoiz ez zara jateaz nekatzen". Horrez gain, supermerkatuetako produktuak hemengoak bezalakoak direla dio eta, han ere inflazioak eragina izan duen arren, bizitzeko hiri nahiko merkea dela aitortzen du. Gainera, hiri unibertsitarioa denez, beti dago parrandarako aukera: tabernak, musika jaialdiak, kontzertuak...
Pentsa dezakegunaren kontrara, neguan eta udagoienean nahiko eguraldi hotza egin ohi duela dio: "Udaberrian nahiko atsegina da, eta infernua udan. Udaldia ez da Granada bisitatzeko sasoirik gomendagarriena, bero handia egiten baitu. Gainera, jende gehiena leku epelagoetara joaten saiatzen da eta hiria hustu egiten da, unibertsitateko ikasle guztiak etxera itzultzen baitira".
Granada bisitatzekotan, bere ustez ezinbestekoak dira Alhambrara, Abaicinera, Tristeen ibilbidera eta erdigunera joatea. "Halaber, uste dut ezinbestekoa dela egunen batean hirian zehar galtzea eta Granadak duen eskaintza gastronomikoa probatzea".
| Nongoa |
Algorta |
| Adina |
26 urte |
| Zertan dabil? |
Lanean |
| Noiz heldu zen hara? |
2023ko otsailean |
| Noiz arte han? |
Auskalo |