Bere bikotekideagaz hara bidaiatu ostean erabaki zuen Aitor Piñeiro algortarrak Tijuanan gelditzea. 12 urte igaro dira ordutik eta, dioenez, ez da damutzen erabakiaz, "garai hartan eta gaur egun Euskal Herrian izan ditzakedan lan-aukerek ez naute erakartzen". Mexiko eta AEB arteko mugako hiri hartako hainbat proiektutako Elikagai eta Edarien zuzendari eta chef exekutiboa da, eta oso gustura dago, ez baitu Getxora bueltatzeko asmorik: "Hemen geldituko naiz, kar-kar".