Lanak, migrazio-mugimenduaren iraganari eta orainari buruzko paradoxa bat erakusten du, XV. mendean Afrika mendebaldeko kostaldean irtenbide gisa, sartu ziren lehen europarren historia erakusten baitu. Lançatu izenagaz ezagutzen ziren, literalki ibaian gora "jaurtitzen" zirelako. Dokumentalak hainbat gai jorratzen ditu, hala nola kolonialismoa, esklabotza, giza eskubideak, Iparraldearen eta Hegoaldearen arteko desberdintasun-harremanak, ustelkeria, Afrika beltzeko migrazio-arazoaren sorrera, Europarako bidaiari ekitera bultzatzen duen horretan fokua jarriz.
Getxoko Udalaren finantzazioagaz, UN Etxeak, UNESCO Sustatzeko Euskal Herriko Elkarteak ekoiztutakoa Bartzelonako Zinema eta Giza Eskubideen Jaialdiko lan finalistekin proiektatzeko ere aukeratua izan da.
Aranzadik 2021eko udagoienean egin zituen grabazioak, Ginea Bissaun, Gambian eta Senegalen, migrazio-arazoaren sorrera road movie edo bidaia- eta historia- elementuakaz erakutsiz.
“Unai Aranzadi zoriondu nahi dugu merezitako errekonozimenduagatik eta Udalak UN Etxea entitateak ekoiztutako ikus-entzunezko lan garrantzitsu honi ematen dion babesa azpimarratu nahi dugu. Dokumental honek kolonialismoari, esklabotzari eta giza eskubideei buruz hausnartzeko gonbita egiten du, baita gai horiek belaunaldietan nola uzten duten beren arrastoari buruz ere”, nabarmendu du Carmen Diaz Gizarte Kohesioko zinegotziak.
