Mozorro-lehiaketakoren batean izena eman gura dutenek, Zabala kalean, Katea inguruan, Kasino plazan eta San Nikolas enparantzan egongo diren photocalletako QR koderen baten bitartez egin beharko dute. Izen-emate horretan, formularioa bete beharko da, kategoria aukeratuta eta kuadrillaren izena, adina eta partaide kopurua adierazita. Gainera, taldearen argazkia edota bideoa igotzeko aukera egongo da; "photocallak horretarako daude", ohartarazi dute jai-batzordeko kideek.
Behin izena emanda, taldeek herria girotu beharko dute, besteak beste, hori baloratzeko epaileak egongo baitira egunean zehar, baita mozorroen elaborazioa eta horietan "sartzearen" papera puntuatzeko ere. Haur eta familien zein Gazterdi kategorietakoek, aldiz, proba gehigarri bat izango dute, eta, hala, arrastiko kalejiran parte hartu beharko dute, 18:00etan Zabala kaletik irtengo dena. Kategoria bi horietako sari-banaketa Kasino plazan egingo dute zapatuan bertan; kuadrillena, aldiz, hurrengo egunean, sare sozialetatik.
View this post on Instagram
%20copia_tokikom_735x413.JPG)