Egun berean, hiru finalaurreko jokatu zituzten Algortako Villamonte, Saniko eta Katea tabernetan, finalera nortzuk helduko ziren erabakitzeko. Jone Uria gailendu zen lehen txandan eta Kerman Diaz eta Imanol Uria izan zen beste bietako garaileak. Horiekaz batera, hauek izan ziren finalaurrekoetan aritu ziren gai-jartzaileak: Iñigo Kortazar, Beñat Azkargorta eta Beñat Vidal.
Finala Azebarri kultur elkartean jokatu zuten 21:30ean, aurreko faseetako irabazleakaz eta puntu gehien lortu zuten hiru bertsolariakaz. Jon Amezagak gidatu zuen saioa eta epaile-lanetan aritu ziren Araitz Lasa, Josu Arroyo, Arkaitz Gomez eta Oihan Diaz, eta idazkaria Beñat Vidal.
Bertsolariek egindako bost ariketa puntuagarriren ostean, Uriak eta eta Diazek lortu zituzten puntu gehien, eta buruz burukoa jokatu zuten bien artean. Horien artetik Uria nagusitu zen, eta 2024ko Uribe Kostako Bertsolari Txapelketako txapela jaso zuen Unai Angulo bertsolari, bertso-eragile eta ALBEkide historikoaren eskuetatik.
2024ko Uribe Kostako Bertsolari Txapelketako finaleko familia-argazkia. © ALBE
