Mallorcari Errege Kopako finala Sevillan irabazi ondoren, gabarrak Nerbioi itsasadarra zeharkatuko du eguenean, orain dela 40 urte egin legez, garaipena handikiro zaleakaz ospatzeko.
Athleticek azaldu duenez, ospakizun-ekitaldi guztiak apirilaren 11n, eguenean, pilatuko ditu; hala azaldu du ohar batean: “LaLigako azken zortzi jardunaldien faltan eta Txapeldunen Ligarako sailkatzeko asmoarekin, klubak egun bakarrean kontzentratu ditu ospakizunetako ekitaldi guztiak".
Gurean, Getxotik abiatuko dute gabarra ospetsuaren zeharkaldia, Abra itsas klubeko instalazioetatik. Zehazki, 16:30ean irtengo da segizio zuri-gorria, eta Bilboko udaletxearen parean amaitu, 18:30-19:00 alderako.
“Egun horretan, azkenean, 40 urte pasatu eta sei final jarraian galdu ondoren, gabarrak itsasadarra zeharkatuko du talde txapeldunarekin batera garaipena ospatzeko", azpimarratu du Athletic Clubek ohar ofizialean.
