8 eta 9 urte bitarteko saharar haurrei, uztailean eta abuztuan, Aljeriako Tindufeko errefuxiatuen kanpamenduetako errealitate gordinetik urrundu ahal izateko aukera eskaintzen die ekimenak. Aldi baterako harrera-programa honetan, udalerriko egoiliarrek zein bertan lan egiten dutenek har dezakete parte.
Ekimenaren helburuak dira adingabekoen oinarrizko beharrizanak asetzea aipatutako hilabeteetan; azterketa mediko orokorra, begietakoa eta hortzetakoa ahalbidetzea; beren bizilekuko klima gogorra pairatzea ekiditea, tenperaturak 55º Cra iritsi ahal direlako; trukaketa kulturala, eta getxotarren artean Saharako herriak bizi duen egoeraz sentsibilitatea sortzea.
Udalak, besteak beste, honako gastu hauetarako ematen du diru-laguntza: kanpamentuetatik etortzeko eta joateko bidaiarako, txangoetarako eta ekitaldietarako. Pertsona interesatuek izen-ematea egin edo informazioa eska dezakete 658 751 359 eta atfalgetxo@gmail.com edo Getxoko Udaleko Lankidetza sailean, 94 466 00 17 eta lankidetza@getxo.net.
