Azken aste biotan, grebalariek hainbat elkarretaratze egin dituzte, haien egoera "ikusarazteko". Horri jarraituz, gaur, eguenean, Santa Klara jauregian batu dira, lurralde-batzordean egiten ari ziren bitartean. Horren ondoren, grebalariek bilera eskatu diote Amaia Agirre alkateari, Getxoko Udalak lan-gatazkan esku har dezan, "enpresa eta Udala baitira egoera honen arduradun", Ugarteren esanetan.
Sindikatuko kideak azpimarratu duenez, lan-hitzarmenaren negoziazioa blokeatuta dago, eta horregatik jo dute langileek grebara. Besteak beste, salatu du KPIAren oso azpitik dauden soldatak dituztela, eta igoera oso txikiak eskaini dizkietela. Ildo horretan, langile-taldearen lan baldintzetan inolako atzerapausorik edo okertzerik ez egotea aldarrikatu du, besteak beste.
