Bestalde, jaiaren helburuak Udalaren Dirulaguntzen Plan Estrategikoak euskararen erabilera sustatzeari lotuta jasotzen duenaren barruan daudenez, aurreikusita dago gaur Tokiko Gobernu Batzarraren asteko saioan Euskara eta Euskal Kultura sustatzeko Ibilaldia elkartearekin sinatuko den hitzarmena onestea. Horren arabera, elkarteak 30.000 euroko diru-laguntza jasoko du Getxon 2024ko Ibilaldia dela eta antolatuko diren kontzertu eta ikuskizunetako gastuetan laguntzeko. Gainera, Udalak hainbat jarduera egiteko tokiak eta egiturak lagatzen ere kolaboratuko du.
Maiatzaren 26an Getxon izango den Ibilaldiko ordezkariei harrera egin die Udalak
Amaia Agirre alkateak harrera egin zien astelehen goizean, udalbatza aretoan, 2024ko Ibilaldia antolatzeaz arduratzen ari den San Nikolas Ikastolako Unai Arzubiaga presidenteari eta Gaizka Arrizabalaga zuzendariari. Ekitaldian aipatutako ordezkariek maiatzaren 26an, domekan, Txonbo! leloagaz izango den Ibilaldirako gonbidapen ofiziala eta kamiseta bat eman zizkioten alkateari.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun