Joan den astean, eguenean, proposatutako sei marrazkien artean, Iskander Ramos Gonzalezen Jai Usaina izenekoa aukeratu zuten Portu Zaharreko jaiei irudia emango dien kartel gisa. 153 boto jaso zituen proposamen horrek, eta bigarrena izan zen Nerea Loresen Herri Harro, 59 botogaz. Jai-batzordekoek nabarmendu dute parte-hartze "polita" izan dela aurten, 19 kartel jaso baitzituzten.
Zozketa bidez ere sai bi banatu zituzten, eta irabazleak izan ziren Egoitz Gallastegi, Suziri Jaietan Bakarrik kartelaren egilea, eta Sandrine Echevarria, Bajada kartelaren sortzailea.
Portu Zaharreko jaiak abuztuaren 9tik 12ra bitartean ospatuko dituzte, eta laster jakinaraziko dute egun horietarako egitaraua.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
