Getxoko paellarik onena zein den erabakiko duen txapelketarako atzerako kontaketa hasi da, izan ere, uztailaren 25ean, eguenean, ospatuko dute lehiaketa. Hala, daborduko dena prestatzen hasi dira hitzordu handi horretarako. Aurreko urtetik erreserba dutenek, uztailaren 8an eta 9 jaso zuten toldoa, eta horiek hilaren 26an bueltatu beharko dira, 19:00etatik 21:00etara, talde horren egoitzan, Malakaten.
Segurtasun neurriei dagokionez, Itxas Argiak jakinarazi du garrantzitsua dela sua egiteko bonbonaren goma iraungita ez egotea, baita likido sukoiakaz kontuz ibiltzea ere. Urtero bezala, 100 bat parte hartzaile espero dituzte Aixerrotako zelaian, alde "ofizialean".
Uztailaren 25ean, egun handian, kotxeen sarrera baimenduta egongo da Aixerrotako zelaietara 08:00etatik 09:30era, beharrezko materiala gerturatzeko; ordutik aurrera, landak kotxez libre egon beharko dira.
Egitaraua
10:30 Nazioarteko Paella Lehiaketan izen-ematea.
12:00 Txalaparta deia UKTESTen eskutik.
12:05 Aurreskua.
12:10 Dantza emanaldia Itxas Argia dantza taldeko txikien eskutik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
