Joan den maiatzaren 26an Ibilaldiaren jai egun handia ospatu ondoren, datorren urtean Bizkaiko ikastolen festa antolatzeko ardura hartuko du Galdakaoko Eguzkibegi Ikastolak. Hala, horren lekukoa pasa dio gaur goizean, Bilbon, Algortako San Nikolas zentroko arduradunek. 2025eko jaia maiatzaren 25ean izango da.
Lekukoa jaso ostean, galdakoztarrek nabarmendu dute datorren urtekoa ere ez dela egun bakarreko jaialdia izango soilik, urte osoan garatuz doan proiektua baita Ibilaldia. Hala ere, egun handia maiatzaren 25a izango da, "familia zein lagunekin euskaratik eta euskaraz ospatzeko eguna".
Horretarako leloaren berri ere eman dute gaur, eta "Magaletik herrire euskera erdire" izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
