Gorka Ojinaga Anestesia eta Bizkorketako zerbitzuburuak eta Iker Castelo Anestesia eta Bizkorketako mediku-laguntzaileak pazienteen balorazio klinikoa ere egin dute komunikabideen aurrean. Azaldu dutenez, pazienteak arriskutik kanpo daude, pronostiko erreserbatuagaz eta eboluzio klinikoaren zain.
Ospitaleratu ondoren, osasun-talde medikoak eta erizaintzako taldeak balorazio zehatza egin zien eta pazienteen egoera klinikoaren berri eman zion familiari, ez baitzuten presazko tratamendurik behar izan.
Batetik, aita ospitaleratze-solairu batean dago, traumatologia-zerbitzuaren ardurapean, eta ez du zainketa kritikorik behar.
Bestetik, 15 urteko adingabea kontziente eta egonkor dago, Anestesia eta Bizkortze zerbitzuan ingresatuta dago, mediku taldeak adierazi duenez, Afrikako ospitaleetan jasotako tratamendua egokia izan baita. Eboluzioaren arabera, pazientearen azterketa klinikoa osatuko dute Gurutzetako Unibertsitate Ospitaleko hainbat zerbitzu medikogaz egindako proba eta tratamenduakaz.
