Eskaintza guztia doakoa izango da, baina plazak mugatuak dira. Hala, izena ematea derrigorrezkoa da eta, arduradunek jakinarazi dutenez, parte-hartzaile bakoitzak gehienez ere hiru ikastarotan izena eman ahal izango du. Getxon erroldatutako emakumeek lehentasuna izango dute izena ematerakoan.
“Aurten ere, Getxoko Jabekuntza Eskolak adin eta jatorri ezberdinetako emakumeei hausnarketa egiteko, eztabaidatzeko eta ikasteko, eta aldi berean, biltzeko aukera eskainiko die, bai eta taldeka eta sareetan antolatzeko. Eskola gune irisgarria eta anitza, baita munduari buruz
dugun pertzepzioa aldatzen laguntzen duten tresnak eskuratzeko aukera eskaintzen duen tokia ere”, nabarmendu du Carmen Diaz
Gizarte Kohesioko zinegotziak.
Ikastaroen zerrenda
- Pelbis-zorua indartzea
- Chi Kung. Gure bizi-energia hobetzea (euskaraz)
- Isilarazitako sormena (euskaraz)
- RE-CORDIS. Bihotzetik berriro pasatzea
- Gorputz-ahalduntze feminista
- Bazen behin… Euskal matriarkatua
- Cumbia: Feminismoa eta antiarrazakeria bultzatu gorputzaren bidez
Izen-ematerik behar ez duten talde egonkorrak
- Antzerki laborategia: “Gure ahala zentroan”
- Las Lombardas, abesbatza feminista
- Danborrakaz migratutako emakumeen taldea
Herritar guztientzako jarduerak
- June Fernandezen Sueños y vasijas liburuaren aurkezpena
- Antzerkia: Llámalo X
- Berdintasunerako Gizonak tailerra, 10 orduz.