Asier Garcia gurpildun aulkiko saskibaloiko jokalari getxoztarrak ezin izango ditu finalerdiak jokatu Pariseko Paralinpiar Jokoetan, atzoko final-laurdenetan 49-57 galdu ondoren Alemaniaren aurka. Gaur, bosgarren posturako partida jokatu du bere taldeak, baina ezin izan dute Australia garaitu (78-74).
Garcia kide duen Espainiako Selekzioak agur esan dio Jokoetan podiuma lortzeko ametsari, final-laurdenetako lehia gogorrean Alemania sendo baten aurka galdu ostean. Taldeak sentsazio onak erakutsi zituen multzoen fasean, baina ezin izan ditu aurreko arrakastak errepikatu eta dominarik gabe geratu da edizio honetan.
Asier Garciaren selekzioak zilarra irabazi zuen 2016ko Rioko Paralinpiar Jokoetan eta azken Europako Txapelketan, eta hirugarren finalerdia jarraian lortzeko itxaropena zuen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
