Getxoko Itxartu Taldeak Bizkaiko musika tradizionalaren nondik norakoak ezagutzeko bidaia proposatu du Romo Kultur Etxean egunotan ikusgai dagoen erakusketaren bitartez. Horretan, euskal musikaren historia osatu duten mitoak omentzen dira. Horretarako, herri-musikan funtsezkoak izan diren bost instrumentu izan dituzte ardatz: txistua, soinu txikia edo trikitia, panderoa, alboka eta dultzaina. Horietako bakoitzari lotutako hiru musikari aukeratu dituzte.
Soinu eta oroitzapenen mundu horretan murgiltzera gonbidatu ditu taldeak, mito horien esentzia ezagutzera, eta belaunaldiz belaunaldi gure identitate musikalaren bilbe aberatsa ehundu duten legendak berpiztera.
Erakusketa Romo Kultur Etxean inauguratu zuten joan den irailaren 6an, eta ikusgai egongo da hilaren 24ra arte.
Informazio gehiago, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
