LAB sindikatuak gaitzetsi egin du Getxoko Udalak kontratazio prozesu berrietan euskararen ezagutza ez eskatzea erabaki izana, eta "eta epaitegietatik ezarritako doktrina atzerakoi eta euskarafoboa" bere egin dutela salatu du. Beraien ustez, erabakia atzerapausoa bat da eremu publikoan euskararen normalizazioan.
LABen arabera, EAJren udal-gobernuak bultzatutako politika horregaz, "uko egiten dio herritarren hizkuntza eskubideak bermatzear" eta "langileek euskaraz lan egiteko duten eskubidea ere urratzen du". LABen ustez, Administrazioa behar bezala euskalduntzeko, hizkuntza ofizial biak jakitea ezinbesteko baldintza izan beharko litzateke lanpostu berrietan
Hori salatzeko, LABek, ELA sindikatuagaz eta Euskalgintzaren Kontseiluagaz bat egin du, eta kritikatu du erabaki horrek euskara batzertzen duen administrazio publiko bat sustatzen duela, herritarrek arreta beren hizkuntzan jasotzeko duten eskubideari eraginez. Horregatik, urriaren 31rako elkarretaratzea deitu dute, 11:00etan, Getxoko udaletxearen aurrean, eta, gainera, azaroaren 4an sektoreak euskararen alde antolatu dituen mobilizazioakaz bat egingo dute.
