Aurkezpen ofizialaren aurretik, Nebula Selektah eta Amaia Sinobasen dancehall tailerrakaz hasi zuten jardunaldia. Jamaikar musika eta dantzaren erritmoak plazaratu zituzten gorputzak mugitzeko eta giroa berotzeko. Horiei esker, kultura anitzeko esperientziaz gozatzera animatu zituzten ekitaldira bertaratutako herritarrak.
Tailerraren ostean, unerik esperotakoena heldu zen: Getxoko hamaika enbaxadoreen aurkezpena, euskararen erabilera sustatu eta herritarrak Euskaraldian aktiboki parte hartzera bultzatuko dituena, 2025eko maiatzaren 15etik 25era.
Hamaika enbaxadore horiek kultura, kirola, merkataritza edo hezkuntza bezalako esparruetatik datoz, eta udalerriek euskararekiko duten konpromisoa adierazten dute. Haien dedikazioa eta gogoa funtsezkoak izango dira pertsona gehiago beren egunerokotasunean euskaraz jarduteko anima daitezen.
Komunitate- eta jai-itxiera
Ekitaldia elkarbizitza-une bategaz amaitu zen, non parte-hartzaileek mokadu gozoez gozatzeko aukera izan zuten. Inpresioak partekatzeko, loturak sendotzeko eta Euskaraldiaren espiritua sustatzen jarraitzeko aukera izan zen: indarrak batzea euskarak eguneroko bizitzako gune guztietan presentzia irabaz dezan.
"Elkar mugituz egingo dugu" lelopean, Euskaraldiaren laugarren edizio hau beste mugarri bat izango da Getxon eta Euskal Herrian euskara hizkuntza bizi eta ohiko gisa sendotzeko bidean.
