Daborduko obrak hasi dira, eta eraikinaren inguruan aldamioak ikus daitezke. Arduradunek azaldu dutenez, lanak honako hauetan zentratuko dira: fatxada garbitzea eta iragazgaiztea; junturak iragazgaiztea; harlangaitza zuinkatzea; leihoen erremateak zinkez konpontzea; eta kanpoko junturak pikatzea, besteak beste.
Udalak iragarri duenez, lanak "erritmo onean" doaz, eta eraikinaren ondoko jatetxea kudeatuko duen enpresa emakidadunak hori udaberrian irekiko duela iragarri du. Hala ere, Udalak azaldu du zein egunetan izango den jakinaraztearen zain dagoela.
Aixerrota zaharberritzeko lan horien bidez, Getxoko Udalak nabarmendu du udalerriko ondare historikoa zaindu gura duela, eta eraikin adierazgarrienetako baten segurtasuna eta egoera ona bermatu.
