Joan den osoko-bilkuran honen berri eman ostean, udal-iturriek zehaztu dute gazteleku berria irisgarria izango dela, oinezkoentzako kale baten alboan egongo baita (Torrenen), Gazte Informazio Bulegoaren aurrean, eta integratuago egongo dela hiri-inguruneko bizitza sozialean eta kulturalean. Gainera, azalera handituko du (230 metro koadrotik 276 metro koadrora) eta diseinu modernoagoa izango du; bertan garatzeko sormena, parte-hartzea eta ikaskuntza sustatzen dituzten hainbat jarduera, gazteen proposamenak dinamizatzeko eta entzuteko lan egingo duten profesionalen laguntzaz.
Gazteriako zinegotzi Mihaela Jilavuk nabarmendu duenez, “zerbitzuaren hobekuntza nabarmena da; izan ere, egungo gaztelekua, Urgulleko hirugarren solairuan dagoena, espazio itxia da, sarbidea eta ingurunea dinamizatzeko eta aprobetxatzeko aukerak mugatzen dituena. Horregatik, uste dugu kokapen berria, erretiroagatik hutsik dagoena, askoz onuragarriagoa izango dela gazte getxotarrentzat, oinezkoen kale baten alboan egongo delako, eta, gainera, gazteen beharrei erantzuteko pentsatuta eta diseinatuta dagoelako, parte hartzea, aisialdi osasungarria eta bizikidetza sustatuz ”.
Hala, gune zabalagoak aukera gehiago ekarriko dituela nabarmendu du Udalak: tailerretarako eta taldeko jardueretarako guneetatik hasita, atsedenerako eta aisialdirako eremuetaraino. "Komunitate-mailako aisialdi hezitzaile publikorako udal gunea izango da, 11 eta 17 urte bitarteko nerabe guztientzat erreferente izan nahi duena".
