Getxoko Udalak alegazioak aurkeztu dizkio Bilboko Portuan (Zierbena) Agaleus Circular Thinking enpresaren hondakinak tratatzeko planta bat instalatzeko proiektuari, aurkeztutako ingurumen-azterketak airearen kalitatean, usaietan eta herritarrengan izango duen eragina behar beste aurreikusten ez duela iritzita. Gainera, Udalak bestelako kokapen ebaluazioa zabaltzeko eskatu du, azken irtenbidea egokiena dela bermatzeko, bai ingurumenaren ikuspegitik, bai gizartearen ikuspegitik.
Udalak aitortu du garrantzitsua dela EAEn hondakinen kudeaketa eraginkorra eta iraunkorra ahalbidetuko duten azpiegiturak izatea, baina ezinbestekotzat jo du lurraldearen barruan kokapen ezin hobean kokatzen den edozein instalaziok bere inpaktua eta balizko arriskuak minimizatzea.
Aukeren azterketa
Aurkeztutako alegazioetan, Udalak adierazi du proiektuaren Ingurumen Inpaktuaren Ebaluazioak (IIE) hiru kokapen-aukera baino ez dituela jasotzen: planta ez eraikitzea, Bilboko Portuan (Zierbena) eraikitzea edo Artigasen eraikitzea.
Hala ere, zehaztu dute legediak ezartzen duenez, ez eraikitzeaz gain (zero alternatiba deitua), gutxienez teknikoki bideragarriak diren hiru aukera hartu behar direla kontuan, aukeratutako aukera ingurumen, gizarte, ekonomia eta funtzio inpaktuen azterketa konparatibo batean oinarrituta justifikatuz.
Halaber, Udalak gogorarazi du aurreko urteetan beste kokapen batzuk aztertu zirela, ingurumen-ebaluazioaren azterketan eta ingurumeneko baimen bateratuaren espedientean sartu ez direnak, hala nola jarduerari gaur egungo kokalekuan eusteko aukera edo Eusko Jaurlaritzagaz koordinatuta beste kokapen bat bilatzeko aukera, Euskal Autonomia Erkidegoarentzat (EAE) interes berezikotzat jotzen den enpresa delako.
Horregatik, Udalak eskatu du bestelako kokalekuak bilatzeko azterketa zabaltzeko eta, nahitaezko azterketa teknikoak eta aldez aurreko neurketak egin aurretik, horietako bakoitzaren benetako inpaktuen ebaluazio zehatzagoa egiteko.
Irizpide anitzeko analisiaren berrikuspena
Udalak adierazi du proiektuaren aldez aurreko ingurumen-inpaktuaren azterketak irizpide anitzeko azterketa bat erabiltzen duela, Pattern metodologian oinarrituta, irizpide tekniko, ingurumeneko, sozial eta ekonomikoakaz, eta irizpide horiek ez daudela behar bezala justifikatuta, ezta ebaluatu beharreko alternatiben azterketari aplikatuta ere. Era berean, bestelako aukeren alderdi teknikoen azterketak ebaluatutako kokapenen artean alde txikiak erakusten dituela ikusi dute ere arrazoitu dute, eta horrek indartu egiten du haien baliozkotasuna berriz aztertzeko eta hobeto oinarritutako aukerakaz zabaltzeko beharra.
Airearen kalitaterako eta herritarren ongizaterako neurriak
Bukatzeko, Getxoko Udaleko iturriek azpimarratu dute gehien kezkatzen dien alderdietako bat airearen kalitatea eta herritarren osasuna kaltetuak izan ez dezaten bermatzeko beharra da, batez ere, lantegia udalerriko bizitegi-eremuetatik eta eremu naturaletatik gertu dagoelako. Hori dela eta, alegazioetan eta ingurumen-zehaztapenakaz bat etorriz, honako hau eskatu dute: Kokaleku horretan instalazioa non kokatzea berriz aztertzea, Getxoko herrigunetik 2 km baino gutxiagora baitago; aldez aurreko azterketa teknikoak egitea eta airearen kalitatean eta usainen emisioan izan ditzakeen ondorioak berriz ebaluatzea, kontuan hartuta inguru horretan nagusi diren haizeek zer eragin izango luketen zuzenean Getxoko herrigunean, 70.000 biztanleri baino gehiagori eraginez; Getxon hiru estazio mugikor instalatzea airearen kalitatea neurtzeko, hidrokarburoen analizatzaileakaz, konposatu organiko lurrunkorrakaz (VOCak), BTEXakaz eta instalazioaren benetako inpaktua ebaluatzeko beste parametro batzuekaz.
Halaber, lantegian ongarriak biltegiratzeko aukeraren ebaluazio espezifikoa egitea ere eskatu du Udalak, produktu horiek 656/2017 Errege Dekretuak arautzen baititu, eta arrisku gehigarriak sor baititzakete bizitegi-eremuetatik gertu dagoen ingurune batean.
Proiektua hobetzeko lankidetza instituzionala
Horregaz guztiagaz, Udalak espero du alegazio horiek proiektuaren ingurumen-bermeak indartzen eta ahalik eta kokapen onena aurkitzen lagunduko dutela, Eusko Jaurlaritzak jasangarritasunagaz eta herritarren babesagaz duen konpromisoakaz bat etorriz.
Getxoko Udalak erakunde eskudunakaz koordinatuta lan egiten jarraituko duela ere iragarri du, azpiegitura estrategikoen garapena ahalik eta gardentasun handienagaz eta beharrezko ingurumen eta gizarte berme guztiakaz egiten dela ziurtatzeko.
