Hala, martxoaren 28tik apirilaren 14ra, afektazio-eremua Bizkaia Zubiaren ingurua izango da, batez ere Paulino Mendibil eta Evaristo Txurruka kaleak eta plazarako sarbideak. Apirilaren 9an Bizkaiko Zubiaren plazaren kanpoaldean filmatuko da lanaldi osoan, eta, beraz, pertsonen eta autoen trafikoan eragina izango dute aldizkako mozketek.
Apirilaren 26tik 29ra filmaketa Abrako Itsas Klubean, kaiko pasealekuan eta ondoko kaleetan kokatuko da: Barria Arietagaz, Jose Luis de Ugarte eta Zugatzarte.
Kill Jacquie
Kill Jacquie telesaila hasi da daborduko Bizkaiko hainbat agertokitan filmatzen. Mendekuari buruzko thriller bat da, Nick Harkawayren eleberri batean oinarritua, eta Catherine Zeta-Jones aktore ezaguna du protagonista. Kokainagaz trafikatu eta hogei urtez luxuz betetako bizitza anonimoa bizi izan duen emakume aberats bati ematen dio bizia. Lasaitasun hori egun batetik bestera asaldatuko da jakiten duenean Zazpi Deabruak izeneko sikario
Prime Videon kaleratuko dute Erresuma Batuan, Irlandan, Herbehereetan, Turkian, Alemanian, Austrian, Suitzan, Liechtensteinen, Luxenburgon eta Kanadan, 2026an.