Sutea goizeko 09:30ak aldera hasi zen, eta suhiltzaileen esku-hartze azkarrak, Getxoko Udaltzaingoaren laguntzagaz, sutea berehala itzaltzen lagundu zuen. Eguerdian, eta behar ziren egiaztapen teknikoak egin ondoren, eraikin horietan bizi ziren pertsonak euren etxeetara bueltatu ahal izan ziren. Konpainia elektrikoak sorgailu bat instalatu zuen hornidurarik gabe gelditu ziren inguruko etxe asko hornitzeko, gaur goizera arte, matxura erabat konponduta geratu denean.
Amaia Aguirre alkatea sutearen tokira bertaratu zen gertaeraren berri izan bezain laster, eta eskerrak eman ditu “suhiltzaileek eta, bereziki, udaltzainek egindako lanaren konpromisoagatik eta eraginkortasunagatik, udaltzainek lagundu, lagun egin eta aholkuak eman baitzizkieten bizilagunei urduritasun une horietan, baita arazoa konpontzen atsedenik gabe jardun duten teknikarien lanagatik ere eman ditu eskerrak”.
