Datorren ekainaren 21ean eta 22an ospatuko dute Fadurako futbol zelaian III. Getxo International Walking Football Cup - Walking Lions Saria. Urtero hazten ari den nazioarteko hitzordu honek aurten parte-hartze zabala izango du, eta Europako hainbat herrialdetatik etorritako taldeak hartuko ditu: Italia, Ingalaterra, Frantzia, Suedia, Portugal, Espainia eta Euskal Herria.
Guztira 14 taldek parte hartuko dute, 09:30etik aurrera, +50 eta +60 adin-tarteetan banatuta, eta bi egunean zehar 42 partida jokatuko dituzte, hiru zelaitan. Getxoko Walking Lions taldea anfitrioi lanetan arituko da, eta futbol ohikoaren alternatiba inklusibo eta osasungarri hau sustatzen jarraituko du.
Txapelketa zuzenean eskainiko du TeleBilbaok, eta hainbat babesle eta erakunderen laguntza izango du, hala nola Getxoko Udala.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
