Ohar batean, Getxoko Udalak azaldu du HAPO "etorkizuneko ikuspegiarekin, ingurumen-konpromisoarekin eta erantzukizun kolektiboarekin diseinatutako hiri-eredua" dela, eta "oso positibotzat" jo du Eusko Jaurlaritzako Ingurumen Administrazioaren Zuzendaritzaren ebazpena.
Udalak azpimarratu du ebazpenak berak jasotzen duela "jarraitutako prozedura zehatza eta parte-hartzailea izan dela, administrazioei, gizarte taldeei eta herritarrei egindako kontsulta barne, eta azken proposamenean alegazio eta hobekuntza tekniko ugari sartu direla".
Komunikatuan zehazten denez, Getxoko HAPO "etorkizuneko ikuspegia duen orainaldiko itun bat da, lurraldea modu koherentean antolatzen duena, natura- eta kultura-ondarea zaintzen duena, eta bizileku- eta ekonomia-beharrei erantzuten diena, hurbiltasun-, oreka- eta pertenentzia-logikaren arabera".
