Santa Anako plazan ospatuko dituzte aurten ere auzoko jaiak, uztailaren 18tik 20ra bitartean, eta hilaren 26an ospakizun berezi bategaz emango zaie amaiera festei. Jaiak barikuan abiatuko dira, 17:00etan, Txikiguneagaz, eta, 19:00etan, jaiei hasiera ofiziala emango zaie txupinaren jaurtitzeagaz eta buruhandiakaz. Ondoren, 20:30ean, sardina-jana eta, 22:30ean, musika izango dira protagonistak. Zapatuan, goiz itzartuko da festa: 10:00etan, xake txapelketa; 11:00etan, saskibaloi txapelketa; eta 12:00etan, Txikigunea. Eguerdian, tortilla txapelketa eta magoaren ikuskizuna izango dira, eta arrastian, kuadrillen lehiaketa, Txikigunea eta igel-toka eta txapelaren txapelketak. Egunari amaiera emateko, 20:30ean, saiheski-jana eta, 22:30ean, kontzertua izango dira. Domeka ere bete-beteta egongo da: 11:00etan, futbol txapelketa; 12:00etan, Txikigunea eta, 13:00etatik aurrera, paella-lehiaketa, ur-guda, herri kirolak eta sari-banaketa egingo dituzte; 23:00etan zinemaz gozatzeko aukera izango da. Gauerdian, amaiera emango diete jaiei; baina astebete beranduago ospakizun berezia egingo dutela iragarri dute jai-batzordekoek. Zer ote?
Uztailak 18, barikua
17:00 Txikigune.
19:00 Txupinaren jaurtitzea eta buruhandiak.
20:30 Sardina-jana.
22:30 Kontzertua.
Uztailak 19, zapatua
10:00 Xake txapelketa.
11:00 Saskibaloi txapelketa.
12:00 Txikigune.
13:00 Tortilla txapelketa.
14:00 Magoa.
16:00 Kuadrillen lehiaketa.
18:00 Txikigune.
19:00 Igel-toka eta txapelaren lehiaketa.
20:30 Saiheski-jana.
22:30 Kontzertua.
Uztailak 20, zapatua
11:00 Futbol txapelketa.
12:00 Txikigune.
13:00 Paella lehiaketa.
17:00 Ur-guda.
17:30 Bits-festa.
18:30 Herri kirolak.
19:30 Sarien banaketa.
23:00 Zinema.
23:59 Jaien amaiera.
Uztailak 26, zapatua
18:30 Ospakizuna.