Aixerrota goizean goizetik paella-usain eta jai-giroz bete zen. Toldo zuriz eta urdinez jantzitako dozenaka kuadrilla lanean aritu dira arroz-plater paregabeak prestatzeko, batzuk lehiaketarako, besteak, aldiz, gozagarri hutserako. 390 toldo jarri dituzte esparru ofizialean, "guztiak beteta", azaldu du Eskarne Unanuek, ekimena antolatu duen Itxas Argia elkarteko presidenteak.
Gaur, Aixerrotako zelaiak jendez bete dira, 1956tik, urtez urte getxoztarrentzako galduezina den hitzordu nagusian: Paella Eguna. Goizean zehar, eguraldi onak lagunduta giro ona izan da nagusi eta antolatzaileen arabera 120 paella inguruk parte hartu dute lehiaketan.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun