Goiza eta arrastia bizi-bizi egon ziren Itzubaltzeta/Romoko Santa Eugenia plazako inguruak: aldarrikapen kalejira nagusiak hasiera eman zion ospakizunari, eta jarraian, tailer parte-hartzaileak, mural kolektiboa, te postua, eta Palestinagaz elkartasun ekitaldia izan ziren. Giroa borobiltzeko, zuzeneko musika izan zen etengabe, topaketari erritmoa emanez.
Ekimenak, urtebete gehiagoz, helburu argia izan du: komunitatea sortzea, zubiak eraikitzea eta aurreiritziak eraistea. "Polita izan da ikustea auzoaren bihotzean suak, mahaiak, musika, koloreak, jendea iristen eta haien espazioak okupatzen, elkar ezagutzen eta agurtzen", nabarmendu dute ekimenaren antolatzaileek.
Palestinaren aldeko aldarrikapenek ere beren lekua izan zuten Itzubaltzeta/Romon.
