La Basu rap abeslariak emakumeentzako rap tailerra eskainiko du azaroan, Algortako Abian Kultur Elkartean. Saioak azaroaren 8, 9, 29 eta 30ean izango dira, 11:00etatik 13:00etara, eta sormen kolektiborako gune bat izatea dute helburu. Parte-hartzaileek euren bizipenak, borrokak eta ametsak abiapuntu hartuta, ahotsa eta hitza adierazpide artistiko eta sozial bihurtzeko aukera izango dute.
La Basuren gidaritzapean, tailerrak autoadierazpenerako eta ahalduntzerako espazioa eskainiko du, raparen bitartez norbere istorioa kontatzeko eta partekatzeko. Jarduera emakumeentzat bakarrik izango da, eta plaza kopurua mugatua denez, izen-ematea beharrezkoa da. Horretarako, interesdunek 633 412 905 telefono zenbakira deitu beharko dute edo info@lagungt.org helbidera idatzi.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
