Adierazpenean jaso dutenez, "urriaren 25ean, polizia-jarduketa baten bidez, musika-ekipo batekin bolumen handian bizilagunei enbarazu eginez zebilen pertsona talde bati zirkulatzen jarraitzea eragotzi zitzaion. Orduan, parte-hartzaile batzuek objektuak jaurti zizkieten jarduten ari ziren udaltzainei eta ertzainei, eta beirazko edalontzi batek udaltzain baten aurpegian jo zuen, sudurrean fisura bat eraginez"
Zehaztu dutenez, erasoaren ondoren, zenbait pertsona identifikatu zituzten eta zehapen-espedienteak ireki; gainera, ustezko egile nagusiaren aurka, atentatu-delitu bat egotzita polizia-atestatua aurkeztu zuten.
Bozeramaileen Batzordeak adierazi duenez, "Euskal Polizia osoari eta bereziki Getxoko Udaltzaingoari aintzatespena eta laguntza eman nahi diogu, getxotarren segurtasuna bermatzeko egiten duten lanagatik". Era berean, adierazpenean azpimarratu dute "indarkeria adierazpen guztiak demokraziarentzat, elkarrizketarentzat eta bizikidetza baketsuarentzat mehatxu zuzena direla", eta gaitzetsi egiten dute agenteen aurkako edozein eraso fisiko, ahozko edo sinboliko.