Antolatzaileek adierazi dutenez, jai horren arrakastaren gakoa "aniztasunean eta giro onean datza", beraz, "egun itzela" izatea espero dute. Hori dela eta, gogoratu dutenez, bertan ez dute jarrera bortitzik, xenofoborik, sexistarik edota homofoborik onartuko.
Aurten, gainera, berrikuntza bategaz egingo dute jaia: Dani Gutierrez Saria. Gaineratu dutenez, horren bidez, kulturartekotasuna, aniztasuna, elkarbizitza, justizia soziala eta parte-hartzea babestu, sustatu edo hedatzeko lanetan nabarmendu diren erakunde, elkarte edo pertsonei errekonozimendua egin nahi diete. "Balio hauen sustapenean lan luze eta handia egin duten pertsona edo instituzioak saritu nahi dira. Saria emateko kontuan hartuko dira saritutako lan edo jardueraren kalitatea eta esanahia, eta goian aipatutako bost balioak sustatzearen alde egindako ekarpena", adierazi dute euren sareetan.
Egitaraua:
Irailak 27, domeka
- 12:00 - 13:30 Kalejira aldarrikatzailea eta kulturartekotasun dantzak Algortako auzoan (Musta DJ)
- 14:30 Arroz solidarioaren banaketa
- 15:30 Dan Gutierrez Porset Sari banaketa
- 19:00 Jai amaiera
Izen-emateak taldeka egin beharko dira; talde bakoitzak 5 euro jarri beharko ditu, eta taldeko pertsona bakoitzak 1,5 euro.
