Urtero legez, Uribe Kostako Mankomunitateko Euskara Zerbitzuak hainbat ekintza antolatu ditu Euskararen Egunaren harira. Mankomunitateko herri denetan egingo dira ekitaldiak, Barrika, Gorliz, Lemoiz, Plentzia, Sopela eta Urdulizko herritar guztiek euskaraz gozatzeko ekintzak, alegia. Gorlizen, hilaren 29an ospatuko dute Euskararen aldeko festa.
Egun horretan, udalerrian Euskararen alde lan egin duen talde bat omentzen dute, eta, aurton, Aratz Dantza taldea izango da. Hala, eguna alaitzen hasteko, 12:00etan "triki-kantu-dantza-poteoa" egingo dute Elizako enparantzatik hasita, Ibarreta plazaraino; bertan gorazarre egingo diote Aratzi. Ostean, 15:00etan bazkaria egingo dute (bazkarirako beharrezkoa zen aldez aurretik txartela erostea, hilaren 20a baino lehenago).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.