UyuniWeb Uyuni hiriko atariak argitaratu duenaren arabera, domekan, goizeko 08:00etan gertatu zen ezbeharra. Ibilgailua gune harritsu batean irauli zen eta bizkaitarrak bertan harrapatuta gelditu ziren. Polizia 11:00etan bertaratu zen; izan ere, dirudienez, estaldurarik ezak zaildu egin zuen komunikazioa. Autoan zihoazen beste lau lagunak arin zauritu ziren.
Mutilak hilabeteak zeramatzan Bolivian, beka batekin, eta haren neska-laguna, I.A.L. gorliztarra, duela egun batzuk heldu zen bertara, oporrak pasatzeko asmoagaz.
Eusko Jaurlaritza familiagaz harremanetan ipini da, eta daborduko lanean hasi dira, gorpuak lehenbailehen ekartzeko.
