Orain aste batzuk iragarri legez, jairik ezean bestelako kultur ekitaldiak antolatzeko asmoa du Udalak. Gaurko iragarkian diotenez, "Eusko Jaurlaritzak ezarritako higiene eta osasun-segurtasunerako neurriak zorrotz beteko dira horietan ".
Ekitaldi horiek egin ahal izateko herritar denek arduraz jokatu beharko dutela gogorarazi dute, eta araudia betetzen ez denean Udalak ekitaldiak eteteko eskubidea izango duela iragarri dute. Era berean, "ostalaritzari dagokionez, ezingo da kanpoko barrarik instalatu, ez da musika-ekipamendurik instalatuko establezimenduen kanpoaldea, eta ixteko ohiko ordutegiak errespetatuko dira", dio iragarkiak. Tabernei ez dagozkien kaleko gune publikoetan edatea ere galarazita egongo da.
