Egitaraua

Badatoz Gorlizko paellak!

Ander Zarraga 2023ko abu. 4a, 18:07

Aste-akabu honetan berriro bueltatuko dira festak Gorlizera. Oraingoan, Agirre Andra Mari baselizaren inguruetan batuko dira jaiak ospatzeko. Horietan, hainbat jarduera egingo dituzte, baina seguruenik LXI. Paella Txapelketa izango da jende gehien erakarriko duena. Abuztuaren 6an, kuadrillek euren karpak jarriko dituzte eta arrozik gozoena prestatzeko gai nor den frogatuko dute.

Baina hori azken egunean izango da; horren aurretik, zapatuan, besteak beste, herri krosa eta tortilla-txapelketa ere egingo dituzte.

Abuztuak 4, barikua

17:00 Txupinaren jaurtitzea eta kalejira.
18:00 Xilipurdi Antzerki Konpainiaren antzerkia: Pepa eta Kutxo pailazokeriak.
20:30 Kontzertua: Petit Comité.
22:00 Zezensuzkoa.
23:00 Kontzertua: Lehian.

Abuztuak 5, zapatua

10:00 XXXIV. Herri Krosa.
11:00 Meza Agirre Andra Mariren ohorez.
11:30 XLVIII. Tortilla Txapelketa.
11:45 Ohorezko aurreskua, eta Aratz Dantza Taldearen dantzaldia.
12:00 Trikitilariak.
12:00 Umeen ur-parkea.
12:45 Luntxa ermitaren atarian jubilatuentzat.
13:00 Tortillen aurkezpena epaileek dastatzeko. Jarraian, sari-banaketa.
17:00 Umeen ur parkea.
18:00 Herri kirolak.
22:00 Zezensuzkoa.
22:30 Ikuskizuna: Space Jam.
00:30 A+B show partie.

Abuztuak 6, domeka

11:00 LXI. Paella Txapelketarako izen-ematea, kioskoan.
13:00 Paellen aurkezpena, landaren erdialdean.
18:00 Paellen sari-banaketa.
19:30 Animazioa: Zerbi Dantza Disko Show.
22:00 Zezensuzkoa eta aurtengo jaien amaiera.

Jaiak Gorliz

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun