Iaz bezala, aurten ere, Artisauen Azokan parte hartu dute Gorlizko Poeten kolektiboko kideek. Azaldu dutenez, haien lanak erakutsi zituzten bertan, esposizio baten bitartez, baita haien liburuak saldu ere. Diotenez, "bertsoen artisauak" dira, eta horregatik parte hartu dute egitasmo horretan, "kolektiboak editatutako obrak ezagutarazteko, prosan zein bertsoan, hala nola kontakizunak, ipuinak, poemak eta nobelak", azaldu dutenez. Horretarako, Ana Blanco, Marta San Atilano, Loli Igartua, Andres Galan, Lucy Sepulveda eta Hannah Avilaren lanak mahai-gaineratu zituzten.
Aurten, joan den uztailaren 23an egindako azokan aurkeztutakoen artean nabarmendu dituzte Txilen editatutako liburuak. Diotenez, horietan Euskal Herriko eta Txileko idazleak parte hartu dute, hala nola Seducción Lírica desde Los Confines lanean, "poesiaren bitartez herrien arteko senidetzeari laguntzen dion jarduera bikaina".
Gorlizko Poeten kolektiboak uste du ekitaldi hori aberastasun kulturalaren erakusgarri da, "erakargarria eta pedagogikoa", eta, hori dela eta, espero dute haiek bezala, gura duenak bere idatziak erakuts ditzala eskualdeko gainontzeko udalerrietan mota horretako artisautza azoketan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
