Santiago jaietako eredua "herrikoiagoa" bilakatzeko eta "guztion artean" eraikitzeko asmoz, Gorlizko Udalak inkesta bat abiatu du datorren urteko festei begira herritarrek euren iritzia eta proposamenak adierazteko aukera izan dezaten. Inkesta anonimoa eta konfidentziala da, eta online bete daiteke –hemen–, baita Sertutxenan eta turismo bulegoan inprimakiak beteta ere. Inkestak betetzeko azken eguna abuztuaren 8a izango da.
"Ekimen honen bidez, herritarrek 2023ko Santiago jaietako kultur jarduerak eta zerbitzuak baloratu ahal izango dituzte. Era berean, hurrengo edizioetako
programazioa guztion artean hobetzeko eta eraikitzeko ekarpenak eta ideia berriak bilduko ditugu", adierazi du Ekaitz Pau Gorlizko alkateak.
Udalak, inkesta honetan parte hartzearen garrantzia azpimarratu du eta, beraz, herritar guztiak animatu ditu 2023ko jaiak guztion artean diseinatzera.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
